Ante o anuncio do inicio este 19 de maio das obras de ampliación do porto deportivo de Baiona, coa construción dun recheo de 4.200 m2, Ecoloxistas en Acción manifesta o seu rexeitamento a un proxecto gravemente dañino para o medio ambiente.
“O proxecto de Nauplia Capital, avalado por Portos de Galiza e Costas do Estado, prevé ampliar a superficie do porto deportivo nun 77,7%” con granito triturado e suporá a construción dun edificio de 900 m2 con restaurante e cafetería, ademais dun parking de 220 prazas, apuntan os ecoloxistas. Un recheo contemplado xa en 2003, impulsado en 2015 pola aprobación do Plan Especial do Porto e que 22 anos despois pode materializarse.
Graves consecuencias medioambientais
Para Ecoloxistas en Acción trátase dunha “obra absolutamente desproporcionada con graves consecuencias medioambientais”, ademais, cambiará a dinámica das correntes na baía, coa conseguinte perda de area na praia de Santa Marta, xa mermada por recheos previos, e mesmo podería afectar ao areal da Ladeira, protexida pola Rede Natura 2000, comprometendo a súa capacidade de autorrexeneración.
Sinalan que este recheo, unido aos continuos verquidos no Estuario da Foz, á modernización do Camping de A Ladeira e ao exceso de amarres de iates “xerará un importante deterioro da Baía de Baiona”. Esta obra de aterramento, engaden, terá tamén un impacto negativo na biodiversidade mariña, co cambio total nas mareas da contorna, causando un dano irreversible aos ecosistemas mariños así como a pesca e ao marisqueo.
“Esta actuación constitúe un paso máis na privatización da costa baionesa, entregada ao impacto especulativo, cun modelo de turismo para ricos que incidirá na suba dos prezos da vivenda, dos máis altos de Galiza tanto en alugueiro como en vivenda de segunda man, e a expulsión da poboación oriunda de Baiona”, declara Xaquín Pastoriza, coordinador do grupo Rías Baixas de Ecoloxistas en Acción.
Tamén en vigoalminuto
- Empiezan los traballos topográficos de las rampas mecánicas de Praza de España a Praza de América
- PP e PSOE rexeitan no Congreso a liberalización da AP9, como alternativa á prolongación da A-52
- El Concello abre al baño todas las playas de Vigo, menos A Foz
- Rexeitan máis recheos no litoral de Baiona
- Gérard Depardieu declarado culpable de dos agresiones sexuales, no pisará la cárcel
- Investigado por tráfico de drogas, tras ser sorprendido con hachís
Avaliación de impacto ambiental
Por iso, Ecoloxistas en Acción reclama unha avaliación de impacto ambiental rigurosa e realizada por un organismo independente. Ecoloxistas en Acción esixe unha revisión do Plan Especial do Porto de Baiona e a “reversión da concesión realizada por Portos de Galicia á empresa Nauplia Capital, que xa posúe concesións en moitos portos deportivos de todo o Estado”.
Por último, a organización ecoloxista apoia a mobilización da cidadania de Baiona contra este recheo e tomará as medidas necesarias para denunciar esta desfeita medioambiental na ría de Baiona.
