O Concello de Gondomar vén de iniciar o proxecto de mellora do camiño municipal que conecta Fontán coa Texosa, cun orzamento de execución que supera os 140.000 euros. Esta actuación busca mellorar a mobilidade e seguridade viaria na zona rural, así como garantir o correcto drenaxe e accesibilidade da vía, actualmente moi deteriorada polo paso do tempo e o uso continuado.
As obras previstas inclúen a renovación completa do pavimento mediante aglomerado asfáltico, a instalación de novas canalizacións de pluviais, a mellora das beiravías e a reposición de elementos danados ao longo do traxecto.
Ademais, dentro deste proxecto tamén se contempla a recuperación dunha fonte de auga pública no barrio de Fontán, que levaba tempo en desuso, co obxectivo de poñer en valor o patrimonio veciñal e ofrecer un servizo útil á comunidade.
Tamén en vigoalminuto
- Convocada huelga general en Valencia por la gestión de la DANA por parte de Mazón
- El alcalde dispuesto a colaborar con la Federación para que Vigo sea sede del Mundial 2030
- Gondomar impulsa a mellora da rúa Fontán e rúa Texosa, cun investimento de máis de 140.000€
- Ya puedes apuntarte a la carrera nocturna Holi Neon Life Vigo
- ¿Buscas trabajo? estas son algunas ofertas de empleo para Vigo
- Desde el 9 de junio, más plazas en alta velocidad a Madrid y menos tiempo de viaje
Paco Ferreira, alcalde de Gondomar, salienta que “con este tipo de actuacións seguimos demostrando o noso compromiso co rural, co equilibrio territorial e coa mellora continua das infraestruturas municipais”. Engadiu ademais que “investir neste tipo de obras é investir na calidade de vida das persoas. Gondomar está avanzando cara a un modelo de concello máis conectado, máis seguro e máis habitable para todos e todas”.
As obras, xa en execución, rematarán ao longo deste mes, polo que desde o Concello agradécese a comprensión e colaboración da veciñanza mentres se desenvolven os traballos.
