O Concello de Mos vén de abrir o prazo para a presentación de ofertas por parte das empresas interesadas en executar as obras de remodelación de Puxeiros, que teñen como obxectivo
modernizar e humanizar esta importante área.
Para levar a cabo este proxecto, o Concello investirá 1,3 millóns de euros destinados a actuar nunha superficie de 7.500 m2, “que transformarán por completo a mobilidade e a estética urbana” deste lugar. Así, entre as intervencións destacan a creación dunha nova glorieta que mellorará a fluidez do tráfico, a ampliación e mellora das beirarrúas para garantir a seguridade dos peóns, a instalación de novo arborado e mobiliario urbano, así como a renovación integral do firme das vías.
Accesibilidade e zonas verdes
Ademais, a proposta incorpora medidas orientadas á mellora da accesibilidade e á redución do impacto ambiental, mediante a implementación de zonas verdes e a promoción da mobilidade sustentable. Está prevista tamén a reorganización das prazas de aparcamento e a mellora da sinalización horizontal e vertical.
Tamén en vigoalminuto
- La licitación de las obras de Clara Campoamor se aprueba con una inversión de 1,13 millones de la Diputación
El Concello aporta 170.000€ - El Galeón Andalucía, este fin de semana en Vigo
Y la Nao Victoria, en Baiona - Sorprendidos cuando robaban la caja registradora de un restaurante de Areal
Uno de ellos intentó ocultarse bajo un vagón de tren - Máis de 200 estudantes participan no ‘bautismo de surf’ organizado polo Concello do Porriño
Na Praia de Patos - El descenso de O Marisquiño será más espectacular y acabará en A Laxe
La prueba celebra este año su 25º anversario - Esixen a PSOE, BNG e AER que expliquen o seu plan para revogar o ‘goberno zombi’ de Digna Rivas, en Redondela
Logo de que a alcaldesa perdese a cuestión de confianza
Mellora da conexión entre os distintos núcleos urbanos
A alcaldesa de Mos, Nidia Arévalo, subliña que “con esta remodelación, Puxeiros converterase nun espazo máis amable e funcional, tanto para os veciños como para os negocios que desenvolven a súa actividade na zona”. Ademais, a alcaldesa salienta a importancia desta obra para “reforzar a conexión entre os distintos núcleos urbanos e dinamizar economicamente toda a área”.
Prazos
As empresas interesadas en participar no proceso de licitación teñen un prazo de 20 días hábiles para presentar as súas propostas a través da Plataforma de Contratación do Sector Público.
O inicio das obras está previsto para este verán, unha vez completado o proceso de adxudicación. A duración estimada dos traballos será de aproximadamente 8 meses.
