O equipo de goberno de Salceda de Caselas, coa alcaldesa Loli Castiñeira ao fronte, vén de facer pública a concesión da subvención por parte da Xunta de Galicia por un importe de 196.589,04€ dividida en dúas anualidades, que vai permitir acometer a última fase de reforma da Praza de Abastos, con un investimento total de 245.736,30€. A subvención sufragará tamén a elaboración dun estudo de diagnose da situación da praza de abastos que permitirá establecer as pautas a seguir na procura de obter o selo de mercado excelente.
Renovación do pavimento e instalación dun ascensor
As obras a acometer consistirán fundamentalmente na renovación do pavimento interior da praza, cambiando o terrazo existente por un pavimento industrial con morteiro autonivelante antideslizante que eliminará as filtracións de auga cara a zona inferior que existen na actualidade, mellorando deste xeito a estanqueidade e salubridade do espazo.
Por outra banda, instalarase un ascensor montacargas na parte posterior do edificio, conectando a zona de mercado coa zona de aparcadoiro existente na parte traseira. Tamén o acceso de mercadorías pesadas se pasará a realizar por este montacargas, facilitando o servizo ás empresas provedoras, eliminando a carga descarga que ata o de agora se vén facendo pola porta principal do mercado, o que converterá a praza frontal nun espazo libre de vehículos e seguro para as persoas.
Eixo do comercio de proximidade
Loli Castiñeira indicou que dende o Concello búscase aproveitar a situación estratéxica do mercado e potenciar estes espazos como o mellor escaparate do produto galego de calidade, vinculándoos ao contorno en que se integran, ao produto local e a valores como a sustentabilidade, a protección do ambiente, a calidade, o trato personalizado e o compromiso coa sociedade. “A nosa é unha praza que xera dinamismo no noso rural, crea emprego e ofrece uns servizos de calidade para a veciñanza; este é o modelo da Praza de Abastos de Salceda”.
Tamén en vigoalminuto
- Huelga en la recogida de basura de O Porriño: los trabajadores anuncian cuatro días de paro en julio
La plantilla del servicio municipal denuncia el bloqueo del convenio colectivo - Los mejores planes del fin de semana en Vigo: cine en Castrelos, teatro, conciertos y el Gran Guateque de O Calvario
La ciudad y su área metropolitana ofrecen una amplia programación cultural y de ocio entre el viernes y el domingo - Sánchez tacha de «indecente» la declaración de Patricia Rodríguez y el PSOE acusa al PP de actuar por «desesperación»
Nuevo choque entre Gobierno y oposición local tras la difusión de imágenes de la comparecencia judicial de la concejala - Pintar bajo la ría de Vigo: así será el singular taller de acuarela del observatorio Nautilus
La artista viguesa Eva Casais dirigirá el 13 de julio una experiencia única: la vida marina se convertirá en la inspiración - El Reggaeton Beach Festival cancela toda su gira de 2026 y deja sin celebración la cita prevista en Nigrán
La organización anuncia el cese de su actividad por problemas económicos, financieros y operativos - Música, historia, teatro e gastronomía nunha intensa fin de semana
O Son do Camiño, o Arde Lucus, a Festa dos Fachos, as Festas de Ourense ou a Mostra de Teatro de Cangas encabezan unha ampla oferta de actividades
Castiñeira lembra que a Praza de Abastos sirve na actualidade como eixo vertebrador e central do comercio de proximidade de Salceda. Nos últimos anos, realizáronse importantes investimentos no mercado, tanto nos postos fixos como nas zonas comúns, co obxectivo de mellorar varios aspectos da instalación, completándose a reforma integral coas actuacións que agora se van desenvolver.
