O venres 4 de abril tivo lugar unha sesión extraordinaria do Pleno Municipal das Neves convocada con motivo da aprobación do inicio do proceso de licitación do novo contrato do servizo de axuda no fogar. Foi a primeira sesión celebrada despois de que deixaran os seus lugares na corporación municipal o ex-Alcalde Xosé Manuel Rodríguez e a ex-Concelleira de Servizos Sociais, Pilar González. Por este motivo, e despois de que entregaran a pertinente documentación, prometeron os seus cargos as novas Concelleiras do Grupo Municipal do BNG, Rocío Barreiro e Alba Casas.
Barreiro e Casas agradeceron a confianza das súas compañeiras e compañeiros e ao resto da Corporación. E comprometéronse a defender os dereitos e intereses da veciñanza, sendo conscientes do que supón ter a responsabilidade de manter o legado herdado e facelo aínda maior, para recuperar a confianza dos cidadáns das Neves que en 2015 levou o BNG á Alcaldía.
Outras novas
- Indignante pintada con insultos contra Carmela Silva en pleno centro de Vigo
- El PP mantiene la ventaja, pero las encuestas discrepan sobre la distancia con el PSOE a una semana de las elecciones
- De un Fiat 500 por 8.400 euros a un Alpine de 65.900: los coches que buscan dueño en Vigo
- Caballero denuncia 90.000 pacientes en lista de espera, critica os traslados de médicos en Vigo e pide concentrar o voto no PSOE
- Las desbrozadoras siguen trabajando en el humedal de Barreiro pese a las denuncias vecinales
- Marián Mouriño recibe la Medalla de Oro del Círculo de Empresarios de Galicia
Óscar González, novo portavoz
Na mesma sesión plenaria oficializouse o nomeamento de Óscar González como novo portavoz municipal, quen deu unha mensaxe de benvida ás novas compañeiras á Corporación Municipal. Finaliza así o proceso de renovación, que dá comezo a un proxecto que manterá a esencia do BNG pero con novas visións e perspectivas. Con miradas novas, que acheguen novas ideas a un proxecto coa vista posta en 2027.
A responsábel local, Raquel Barreiro, lembra que o BNG da localidade vai celebrar un acto de convivencia para dar comezo a esta nova etapa, que se desenvolverá arredor dunha cea que queren compartir coas persoas amigas e simpatizantes o vindeiro 12 de abril ás 21:00 h no Hotel Nande de Rubiós.






