Este luns, día 10, abre o prazo para optar ás 24 prazas que se ofertan na Residencia Literaria da Illa de San Simón para o estímulo e a promoción da creación en galego. Trátase da terceira edición desta iniciativa coa que a Consellería de Cultura busca apoiar os procesos creativos dos escritores, poñendo ao seu dispor un espazo, un ambiente e unhas condicións óptimas para a enteira dedicación aos seus proxectos literarios.
Así, ofértase a posibilidade de estadías repartidas en tres quincenas:
- do 19 de maio ao 1 de xuño
- do 23 de setembro ao 6 de outubro
- e do 6 de outubro ao 19 de outubro
Requisitos
Para poder gozar desta experiencia, os participantes deben ser maiores de idade e estar desenvolvendo un proxecto creativo en lingua galega, pois esta residencia está concibida para a mellora de iniciativas de creación literaria durante o período de estadía dos creadores, que deberá ser como mínimo dunha semana e como máximo de dúas.
Na Illa de San Simón, os profesionais terán ao seu dispor os bens e servizos necesarios para o desenvolvemento do seu proxecto, contando con aloxamento e espazo de traballo propio.
Tamén en vigoalminuto
- Herido leve un camionero de 44 años tras chocar contra la mediana en la AP-9 en Vigo
- Un extraño lenguado de la ría desconcierta a los científicos: tiene negro hasta el vientre
- Un desfile de Disney y un espectáculo de luces abrirán la Navidad de Vigo
- La Xunta acepta reunirse con el Concello por el Mundial 2030… siempre que participe el Gobierno de España
- Unha borrasca camiña cara a Galicia cun temporal de choiva, vento e ondas de ata seis metros
- Un microbús con 24 aficionados del Celta arde en la AP-9 a la altura de Vilaboa tras el partido en Balaídos
Solicitudes ata o 28 de marzo
Os interesados en participar poderán presentar as súas solicitudes ata o 28 de marzo a través da sede electrónica da Xunta de Galicia. Tan só se poderá incluír unha única candidatura acompañada dun documento, de máximo 10 páxinas, que deberá contar a explicación do proxecto de creación literaria que desenvolverán na residencia, xénero, idioma da obra, currículo do aspirante, expediente artístico e carta de motivación, entre outros detalles que se poden consultar nas bases.
