O Consorcio do Casco Vello vén de adquirir un novo edificio no Berbés para proceder a súa rehabilitación como parte do obxectivo de «acadar a reforma integral» de todo o barrio histórico da cidade, apuntou a presidenta deste organismo, Ana Ortiz.
Este inmoble é o situado no número 25 da Ribeira do Berbés, ten unha superficie total de 100 m2 e no mesmo está prevista a construción de novas vivendas. O Consorcio do Casco Vello -organismo participado nun 90% pola Xunta de Galicia e nun 10% polo Concello de Vigo- xa comprara outros 11 edificios na zona creando, ata hoxe, 6 vivendas xa habitadas logo da súa adxudicación.
Tamén o número 27 e o 39
Para a recuperación do Berbés xa levouse a cabo o pasado mes de agosto a compra do edificio situado no número 27 e tamén en outubro comezou a reforma do número 39 da Ribeira do Berbés, con saída ao número 2 da rúa San Francisco, por un importe de algo menos de 500.000€. Ás seis vivendas xa construídas, situadas nos números 29, 31 e 41, sumaranse tamén as dúas do número 39.
Tamén en vigoalminuto
- El Concello rechaza el convenio para que la Diputación invierta 1,7 millones en humanizar Rosalía de Castro
- Localizan sin vida en A Florida al vecino de Vigo desaparecido el domingo
- Máis de 163 toneladas de lixo retiradas das costas galegas: neumáticos, cabichas e microplásticos entre os residuos
- Caballero insiste en que Vigo necesita una nueva presa para garantizar el suministro de agua
- San Simón Y Santo Antón, donde los criminales franquistas mataron a 517 presos, ya es ‘Lugar de Memoria Democrática’
- Qué hacer este fin de semana en Vigo: fiestas, conciertos y una veintena de planes en la ciudad y su área
Universidade e Albergue
Outros catro edificios foron cedidos polo Consorcio para a creación da sede urbana da Universidade de Vigo (na agrupación dos números 11, 13 e 15) e do Albergue de Peregrinos, no número 5. O consorcio adquiriu tamén o edificio situado no número 7, pendente aínda de rehabilitación.
O Consorcio Casco Vello, cuxo principal obxectivo é a rehabilitación do barrio histórico de Vigo, conta cunha partida total de 1.780.065 euros tras o desbloqueo do PAIF do exercicio 2024. Desta cantidade máis do 87% teñen a consideración de investimento directo xa que se destinan á execución das obras de rehabilitación das vivendas propiedade do CCVV, correspondendo o resto a gastos operativos.
