Esta fin de semana, o Auditorio Mar de Vigo presenta unha programación variada con tres propostas destacadas que reforzan a súa relevancia na axenda cultural da cidade. A oferta inclúe o humor enxeñoso de Goyo Jiménez e dúas producións: «El musical de Coco: ¡Recuérdame!«, que cativou a miles de espectadores en todo o país, e Chicago Life, un espectáculo vibrante que combina coreografías e cancións icónicas.
Tamén en vigoalminuto
- A Guarda alerta de atascos provocados por las toallitas y otros residuos que llegan al saneamiento
- Dos detenidos el mismo día: uno forzó un bar y otro huyó con tarjetas robadas
- El tráfico mejora en la Avenida de Madrid, después de eliminar la rotonda
- Robaban gasoil directamente de los camiones estacionados en Mos: cuatro detenidos y 225 litros recuperados
- El campo de fútbol de Sampaio acumula vallados oxidados, vestuarios con humedades y problemas de drenaje
- Os encoros de Galicia-Costa encaran setembro con só o 58,6% da súa capacidade, catro puntos por baixo da media
Sábado, 19
O sábado 19 de outubro, o coñecido humorista Goyo Jiménez presentará o seu último espectáculo, «Misery Class», con dúas funcións (ás 18:00 e 21:00h.), ambas preto de colgar o cartel de «entradas esgotadas». Nesta ocasión, Goyo céntrase en ofrecer unha visión máis persoal e directa dos problemas e curiosidades da vida actual, sen abandonar o humor que o caracteriza. Un show onde se mesturan ironía, crítica social e grandes dose de enxeño.
Domingo, 20
O domingo 20 de outubro, comezará a programación con «El musical de Coco: ¡Recuérdame!», ás 12.00h. , unha proposta que xa emocionou a máis de 500.000 espectadores en todo o noso país. Baseado na aclamada película de animación, o espectáculo promete facer revivir os momentos máis emotivos da historia, con todas as voces en directo e unha posta en escena fiel ao universo de Coco.
A xornada pecharase con Chicago Life, un musical para maiores de 18 anos que comezará ás 20.00 horas. Este show presenta unha selección das cancións máis famosas de películas como «Cabaret», «La La Land», «Chicago» e «Burlesque». Xunto con coreografías cegadoras e unha impactante posta en escena, Chicago Life é unha homenaxe aos grandes musicais do cinema.
Entradas
As entradas para estos tres espectáculos, pódense adquirir a través de www.teuticket.com
- Goyo Jiménez o sábado 19 de outubro (18.30 e 21.00 horas)
- «El musical de Coco: ¡Recuérdame!» o domingo 20 de outubro (12.30 horas)
- Chicago Life, tamén o domingo (20.00 horas)
