Esta semana catro novos obradoiros de +Xuntas noutros tantos concellos da provincia

A Deputación de Pontevedra comeza esta semana novas actividades formativas do programa +Xuntas que mobilizarán un total de catro colectivos doutros tantos concellos da provincia: Cangas, Caldas de Reis, Soutomaior e Vigo. A través desta iniciativa, a Deputación busca promover a igualdade de oportunidades entre mulleres e homes, un dos grandes compromisos e obxectivos transversais do goberno da institución provincial.

Luns 14 e martes 15

Desta maneira, este luns 14 de outubro usuarias da Asociación de Veciños Espiñeira – San Cibrán, de
Cangas, comezarán o obradoiro de personalización de álbums. E o martes 15 iniciarán as accións formativas tres asociacións: A Asociación de Mulleres Rurais Santa Lucía de Arco, de Caldas de Reis, comezará o curso de pintura; a Asociación Veciñal e Cultural de Moreira, de Soutomaior, o de conservación de alimentos, conservas e encurtidos, mesmo curso que realizarán as integrantes da Asociación Doa Saúde Mental de Vigo.

Ademais en vigoalminuto

5.000 mulleres, 207 obradoiros, entidades de 53 concellos da provincia

No marco do programa +Xuntas este ano terán lugar 207 obradoiros dirixidos a entidades de 53 concellos da provincia que traballan na promoción das mulleres, apoiando o seu desenvolvemento. O programa ten un orzamento de 325.000 euros e chegará a máis de 5.000 mulleres, xa que cada un dos cursos está dirixido a un máximo dunhas 20-25 persoas. Ás entidades ofrecéronselle 26 obradoiros encadrados en catro bloques temáticos relacionados coa tecnoloxía, a creatividade, o medio natural e a saúde.