O BNG botará man da súa representación no Parlamento de Galicia para que se constitúa unha comisión de investigación sobre os contratos da Xunta con empresas vencelladas a familiares de altos cargos e tamén para acrarar o ‘sobrecusto’ de preto de 500 millóns na construción do Hospital Álvaro Cunqueiro, como recolle un informe do Consello de Contas.
Ana Pontón, na súa intervención hoxe no debate na Cámara galega adiantou que o Bloque Nacionalista Galego fará posible esa investigación. Así, acollerase ao regulamento do Parlamento que permite que aqueles grupos políticos que teñan, cando menos, un terzo dos deputados poidan crear comisións de investigación. Dos 75 asentos no hemiciclo do Pazo do Hórreo, 25 forman parte do grupo parlamentario do Bloque.
Tamén en vigoalminuto
- Abel Caballero, “la Xunta no tendrá acabada la primera vivienda en el Parque Ofimático hasta 2040”
El alcalde califica de “tomadura de pelo” los presupuestos de Rueda para 2026 - Investigan a una vecina de Cangas que tiró dos crías de gato a un contenedor de basura
Está acusada de la presunta comisión de un delito de maltrato animal - Vigo busca talento: las ofertas de empleo más destacadas de esta semana
Empresas de Vigo y su área metropolitana abren procesos de selección en distintos sectores
Pide ao PP que vote a favor
“Os galegos e as galegas teñen a miña palabra de que haberá comisión de investigación porque imos usar a forza dos votos que nos deron 25 escanos para investigar os contratos millonarios que favorecen a familiares e empresas amigas do PP, incluíndo ás que afectan ao señor Feijóo”, subliñou Ana Pontón.
“Imos investigar por que pagamos un sobrecusto multimillonario polo hospital de Vigo “Álvaro Cunqueiro, e imos investigar os contratos de emerxencia durante a pandemia”, enfadiu a líder dos nacionalistas que convidou ao PP a votar a favor da comisión de investigación, “se non ten nada que esconder”.
Neste sentido, Pontón foi terminante: “se responden cun veto será unha declaración de responsabilidade” e advertiu, “esta vez o final non o vai escribir o Partido Popular”.
