A oposición do Concello de Redondela non cré que a xestión da alcaldesa, Digna Rivas, sexa precisamente una fantasía e cualifica de “vergoñento” e “insulto aos veciños” que o Goberno municipal “alardee de que se acaban de pagar obras e servizos que datan dos anos 2021, 2022, e 2023”.
Mil días para pagar
Para Javier Bas, ex alcalde e portavoz do grupo popular, maioritario na Corporación, “que o Concello de Redondela tarde 1.000 días en pagar facturas, xa que este verán veñen de satisfacerse pagos que datan de ata o ano 2021, non é para que Digna Rivas presuma, máis ben é para que presente a súa dimisión pola súa incapacidade para dirixir o noso municipio e pola súa nefasta xestión económica”.
O Concello, intervido polo Goberno de España
Bas cré que vender como boa xestión o pago de 2,7 millóns en facturas adebedadas dende hai tres anos, xurde porque coñeceuse que “Redondela é un dos catro concellos da provincia de Pontevedra que foi intervido polo Goberno de España para pagar as súas facturas, desde a Administración Xeral do Estado, a
través da detracción dos fondos estatais que mensualmente recibe o Concello e que ten como obxectivo paliar os continuos e excesivos retrasos”.
Tamén en vigoalminuto
- Dos heridos en el Puerto de Vigo por la implosión de un silo de aceite
Imágenes:S.E./ Dos trabajadores resultaron heridos este jueves por la tarde tras la implosión de un silo de aceite de palma en el muelle de Guixar, en el Puerto de Vigo, un incidente que también provocó un importante vertido al mar. El accidente se produjo alrededor de las 15:30 horas, cuando un depósito de unos veinte metros de altura sufrió una rotura interna que generó … Continue reading Dos heridos en el Puerto de Vigo por la implosión de un silo de aceite - A Xunta opta por ampliar a convocatoria do ‘Bono Alugueiro Mocidade’
Ofrece unha axuda mensual de 250 euros durante un máximo de dous anos - Estudiantes del CIFP Manuel Antonio protestan por las condiciones insalubres y el retraso en las clases presenciales
Denuncian ruidos constantes, polvo y falta de seguridad
“Caradura”
Javier Bas cualifica de “surrealista” que a alcaldesa asegure que o pago das facturas se fixo nun tempo récord e denuncia que “hai que ser unha caradura política para soster que se abonaron moito antes do prazo”.
O ex alcalde advirte de que Rivas “míntelle descaradamente á cidadanía de Redondela” por achacar este longuísimo retraso nos pagos, “que denota os problemas da tesourería municipal”, ao problema informático do programa decontabilidade, que tivo lugar o ano pasado. “É bastante difícil de crer que 594 facturas dos anos 2021 e 2022 por importe de 488.000 euros, que se abonaron o pasado mes de xuño, non se puideran pagar antes por un problema que xurdíu en 2023”, manifestou, antes de lamentar que se recurra ás falacias “para tratar de agochar a súa nefasta xestión económica”.
O período de pago está en 163 días, cando debería ser de 30
A xuízo de Javier Bas, “Redondela ten importantes problemas financeiros” pola exclusiva responsabilidade do goberno de Digna Rivas, xa que “presume dun remanente que se constrúe unicamente a base de non pagar as facturas, pero paralelamente se ten afogados aos autónomos e empresas que traballan para o Concello con retrasos esaxerados no pago”.
Por último, o portavoz popular apunta que datos oficiais do Ministerio de Facenda amosan que o Período Medio de Pago a Provedores (PMP) do Concello de Redondela xa se elevou ata os 163 días ao peche do segundo trimestre de 2024, cando nos anteriores tres meses estaba fixado en 137 e o máximo legal é de 30 días.
