Centos de veciños saíron á rúa este domingo para esixir ao Goberno municipal a reforma inmediata da piscina municipal de Teis. A mesma leva 19 meses pechada, logo do incendio de maio de 2022. Ademáis, os manifestantes pediron a recuperación da pileta da ETEA e a mellora das súas instalacións deportivas.
Dende a Asociación Veciñal, que convocou esta mobilización, lembran que o pasdo mes de agosto, o alcalde anunciara que comenzaba o proceso de reconstrución da piscina pero, «cinco meses despois seguimos sen avanzos, pois aínda non se comezou a redacción do proxecto». Por iso, reiteran que si o Goberno local non considera que este proxecto é unha prioridade «e se pon a traballar», ao longo deste ano 2024 tampouco estará realizada a reforma da piscina.
Neste sentido, os responsabeis da asociación subliñan que si a piscina da ETEA estivera funcionando, podería cubrir perfectamente a demanda da veciñanza, «que agora ten que desprazarse polas diferentes instalacións deportivas da cidade».
«Teis, tiña dúas piscinas, agora non conta con ningunha, debido a mala xestión do Goberno municipal», apuntan.
Un gran complexo deportivo na ETEA
Os representantes dos veciños comentan que no último escrito enviado a Abel Caballero, trasladaronlle a necesidade de mellorar as instalacións deportivas na ETEA. Isto pasaría pola recuperación da piscina que se cubriu en 2017; incluir un spa e construir un amplo ximnasio con varias salas e pistas de padel.
«Se o espazo actual das instalacións deportivas que xestiona o Concello de Vigo, fora insuficiente podería utilizarse parte dos terreos lindeiros do PS6, área de usos complementarios, da ETEA».
Máis que Auga
Isto permitiría a Teis, contar cun gran complexo deportivo, crear un » Mais que auga na ETEA «, como teñen outras parroquias e barrios, «nun lugar único, e dar acceso a todo tipo de actividades, como aerobic, zumba ou mantemento».
