O Concello de Ponteareas vén de lembrar aos veciños e as veciñas da primeira fase da Área de Rehabilitación Integral (ARI) do municipio que xa poden solicitar as axudas de ata 30.000 euros para levar a cabo as obras de mellora de eficiencia enerxética e de renovación de edificacións. O Boletín Oficial da Provincia (BOPP) vén de publicar as bases reguladoras.
Rúa Real, dos Ferreiros e Baixada a San Gregorio
Deste xeito, os propietarios e as propietarias das rúas Real e dos Ferreiros así como da Baixada de San Gregorio teñen de prazo ata o mes de xuño para acollerse a estas axudas. As accións subvencionables abranguen, asi mesmo, a renovación de edificios residenciais e vivendas unifamiliares. Contemplan tamén as destinadas á instalación de ascensores.
Oficina no Concello
Para facilitar os trámites á veciñanza que desexe acollerse a estas axudas, o Concello de Ponteareas puxo a súa disposición unha oficina permanente no segundo andar da casa consistorial. Ademais, a alcaldesa, Nava Castro, e a concelleira da área, Silvia Fernández, resolveron as dúbidas sobre a Área de Rehabilitación Integral nunha xuntanza cos propietarios.
Tras finalizar co período de solicitudes desta primeira fase da Área de Rehabilitación Integral, será a queda dos veciños e das veciñas da contorna da Praza Maior e das rúas Esperanza e Oriente. Continuarase, despois, coa Avenida Constitución, a rúa Rogelio Groba e a Praza Bugallal.
