O persoal de Urxencias Sanitarias de Galicia-061 asistiu durante a fin de semana 80 persoas debido a 63 accidentes de tráfico ocorridos nas estradas galegas, entre as 3 da tarde do venres 15 e as 12 menos un minuto da noite do domingo, 17 de decembro.
Asi, os recursos sanitarios mobilizados polos médicos que atenderon as chamadas na Central de Coordinación do 061 foron 82. Polo miúdo, as ambulancias asistenciais de soporte vital avanzado asistiron en 10 accidentes; o helicóptero medicalizado atendeu nun; as ambulancias asistenciais de soporte vital básico asistiron en 62 sinistros e os equipos sanitarios de Atención Primaria prestaron asistencia sanitaria en 9 accidentes.
En 67 casos os feridos foron trasladados aos centros sanitarios correspondentes; en 11 ocasións atendeuse no propio lugar do incidente e dúas persoas faleceron no punto.
