O 061 asistiu a 1.951 persoas por accidentes de tráfico durante o verán. En concreto, desde o venres 30 de xuño ata o 3 de setembro recibiu 1.808 chamadas en relación con sinistros nas estradas de Galicia que xeraron 1.479 asistencias sanitarias. Por provincias, A Coruña foi a que rexistrou máis accidentes con 578 sinistros de tráfico, seguida de Pontevedra con 571.
Así, os recursos sanitarios mobilizados foron 1.783. Así, as ambulancias asistenciais de soporte vital avanzado asistiron en 163 accidentes; o helicóptero medicalizado atendeu en 27 ocasións; as ambulancias asistenciais de soporte vital básico mobilizáronse en 1.480 sinistros e os equipos sanitarios de Atención Primaria, prestaron asistencia sanitaria en 113 accidentes.
En 1.626 casos os feridos foron trasladados aos centros hospitalarios correspondentes; 304 persoas foron asistidas no lugar do sinistro e 21 persoas faleceron.
