Dende ás 12:00h. deste martes
A venda de abonos para a vindeira edición do Festival SonRías Baixas está dispoñible a partir das 12 horas de hoxe a través da web do festival, www.sonriasbaixas.info, e a través de Enterticket.es. A cita, unha das principais citas musicais do verán en Galicia, terá lugar os días 3, 4 e 5 de agosto en Bueu, en pleno centro das Rías Baixas, e este ano cumpre o seu 20 aniversario.
45€
Os primeiros 500 compradores dos abonos poderán conseguir as súas entradas por 45€ máis gastos de xestión e, cando se esgote este primeiro tramo, habilitarase unha segunda oferta para os próximos 500 asistentes a 50€ máis gastos de xestión. Despois destas dúas primeiras bandas, os abonos terán un prezo de 60€.
Zona acampada
O proceso de compra incluirá a opción de engadir a zona de acampada, gratuíta, e situada a tan só 150 metros da praia e do propio festival, e unha promoción de bebida que oferta un 10% en crédito para recargar a pulseira por importes de 20€, 30€, 40€ e 50€. As entradas diarias estarán dispoñibles máis adiante, cando se revele a distribución dos artistas durante os tres días.
Natos y Waor, La Pegatina e Macaco
Lideran unha lista de confirmacións que aposta unha vez máis polo eclecticismo, incluíndo no seu cartel rock, sons urbanos, electrónica, rumba ou ska e formada por vinte artistas consagrados e emerxentes, distribuídos en tres días e completado por Arde Bogotá, Boikot, Cool Nenas, Dubioza Kolektiv, ETS, Grande Amore, La Ganga Calé, LaMontagne & PicoAmperio, Lendakaris Muertos, Lía Kali, María de Juan, Muyayo Rif, Ninhodelosrecaos, Queralt Lahoz, Samuraï, Santa Salut, Tremenda Jauría e 30S40S50S.
