Toma o relevo do ex alcalde Emilio Castro
José Manuel Alfonso será o candidato do Partido Popular á alcaldía das Neves nas Eleccións Municipais de maio. Así o decidiu a xunta local por unanimidade, decisión que trasladaron ao presidente provincial, Luis López, e á secretaria xeral, Luisa Piñeiro, na reunión que mantiveron este xoves na sede local do partido, á que tamén asistiu o presidente local, Emilio Castro.
Membro de colectivos sociais e deportivos
José Manuel Alfonso, ten 54 anos, naceu en As Neves, é graduado social e emprendedor. Forma parte de colectivos culturais, sociais e deportivos do concello.
Durante a súa intervención, dixo estar moi ilusionado e con gañas para afrontar esta nova etapa no Partido Popular, e lembrou que conta absolutamente con todos. «Teño o respaldo de un gran equipo de veciños, e seguiremos incorporando máis nomes para presentarnos ás municipais co mellor equipo e co mellor proxecto para volver a poñer As Neves no lugar que merece».
