O día con máis accidentes foi o domingo
Urxencias Sanitarias de Galicia-061 asistiu durante a fin de semana 54 persoas debido a 46 accidentes de tráfico, ocorridos nas estradas galegas entre as 3 da tarde do venres 16 e as 12 menos un minuto da noite do domingo, 18 de setembro.
A Central de Coordinación do 061, recibiu nestes días 55 chamadas en relación cos accidentes de tráfico.
As ambulancias asistenciais de soporte vital avanzado asistiron en 7 accidentes; o helicóptero medicalizado mobilizouse en dúas ocasións; as ambulancias asistenciais de soporte vital básico asistiron en 43 sinistros e os equipos sanitarios de Atención Primaria prestaron asistencia sanitaria en 3 accidentes.
En 45 casos os feridos foron trasladados a centros sanitarios, en 7 ocasións atendeuse no propio lugar do incidente e dúas persoas faleceron no punto.
