A Garda Civil investiga xa os feitos
Membros dos servizos de Emerxencia 061 Galicia atoparon sen signos vitais a un bebé de dous meses, nunha vivenda de Lalín, logo de que os alertasen pasadas as 11 da noite deste mércores.
Ainda que actuaron de inmediato evacuando ao pequeno en ambulancia cara ao Complexo Hospitalario Universitario de Santiago (CHUS), e tentando reanimalo durante o traxecto, finalmente non puideron facelo e chegou sen vida ao hospital.
Investigación
A Garda Civil abriu xa unha investigación que estará condicionada polo resultado da autopsia. Polo momento non trascenderon máis detalles e o único confirmado é que a familia do cativo estaba en seguimento por parte dos Servizos Sociais municipais.
