Todos os días con saída ás 12:00h e volta ás 20:00h.
Atendendo á solicitude do Concello do Porriño en resposta ás demandas da veciñanza O Porriño contará cunha liña de autobús que conectará o núcleo urbano con praia América, en Nigrán.
Horarios
A nova liña entrará en funcionamento o vindeiro luns, 18 de xullo, con frecuencia diaria, incluíndo laborais e festivos. O horario de saída será ás 12 h. dende a parada de autobuses da Avda. de Galicia e a volta ás 20 h dende a rotonda de Rans, en praia América. A viaxe será directa pola autopista.
O custe do servizo será de 1,55€ por viaxe, rebaixado a 0,88€ para quen conte coa tarxeta metropolitana.
