Toda a costa de Galicia estará este luns en aviso amarelo. Concretamente, segundo o boletín de MeteoGalicia, son dous avisos: por ventos de forza 7 no mar e por ondas que poderán alcanzar os 5 metros de altura.
Os fortes refachos de vento do noroeste na costa afectarán á Mariña lucense e ao noroeste da Coruña e durarán entre as 3,00 da madrugada e as 12,00 do mediodía.
A alerta por ondas iniciouse ás 03:00h. no litoral coruñés; ás 06:00h. na costa de Pontevedra e ás 09:00 na de Lugo e durará, en principio, ata medianoite.
