A asociación de familiares e usuarios de residencias Vellez Digna ven de solicitar a Consellería de Politica Social e a de Sanidade a intervención da residencia DomusVi de Ribeira.
Esta solicitude, sinalan dende a asociación, está motivada porlo feito de que «os xestores de DomusVi non foron quen de impedir o contaxio masivo nela e que a situación empeora cada día». Para os familiares dos usuarios, «cúmpre que a Xunta actúe e aparte da xestión aos responsables desta residencia antes de que empeoren as cousas como xa pasou noutras dese grupo»
Prima o beneficio económico
Para a asociación hai «sobradas experiencias pasadas sobre as xestións realizadas por DomusVi como para poder aseverar que cando non o fan mal o fan peor que mal, son os xestores das residencias mais mortais de Galicia e a pesar delo seguen tomándose a broma os protocolos e seguen a ser as suas residencias un lugar moi perigoso para maiores e dependentes».
Os familiares subliñan que o procedemento é igual en tódalas residencias deste grupo, «sigue primando o beneficio económico sobre a prevención». Denuncian que hai «moita publicidade e poucos coidados», que «seguen sen cumprir as rateos de persoal, habitualmente por debaixo dos mínimos, sen cubrir as baixas, nin os dias libres en lugar de reforzarse ben, e así é imposible facer prevención».
61 residentes e 13 traballadores contaxiados
Con 61 residentes e 13 traballadores contaxiados «cuxas baixas están, como de costume, sen cubrir», para os familiares, debe apartarse os responsables desta residencia da súa xestión e «denuncialos ante a Fiscalía, porque esta claro que teñen algunha responsabilidade no ocorrido».
Á vista destes feitos, piden á Xunta a inmediata intervención da residencia Domus Vi de Ribeira, «aportación de persoal organización e medios». Así mesmo, demanda a «investigación da orixe do brote e o traslado a Fiscalía de toda a información que se teña sobre esta residencia».
