O Goberno de Galicia informa de que as queimas de restos agrícolas e forestais amoreados seguen prohibidas ata novo aviso, “tendo en conta as condicións meteorolóxicas actuais e as previsións para os vindeiros días”.
A decisión tomouse tras avaliar a evolución da situación do tempo e unha vez analizados polo miúdo os diferentes indicadores técnicos que inciden no risco de lume en tempada de alto risco.
A Consellería do Medio Rural pide colaboración da cidadanía para que extreme as precaucións e denuncie calquera actividade delituosa incendiaria da que teña coñecemento.
