O aeroporto de Vigo conta desde este luns, 2 de abril, cunha nova liña de autobús nocturna que presta servizo aos pasaxeiros que chegan cada día á cidade no último voo procedente de Madrid, as 11 e 20 minutos da noite.
«É unha nova liña nocturna de Vigo ao aeroporto en transporte urbano, feito e financiado desde o Concello», salientou este martes o alcalde.
O autobús foi utilizado por oito persoas na súa primeira viaxe e o servizo esperou á chegada do avión, que aterrou en Vigo con atraso. «A esa hora xa non hai autobuses, polo que decidimos poñer unha liña que cubrise o voo», indicou Abel Caballero.
O alcalde lembrou que a Xunta ten un transporte similar para o aeroporto de Santiago ao que lle adica 340.000€ e lamentou que a administración autonómica rexeitase o convenio para poñer en marcha un transporte similar en Vigo.
