Este é o lema da campaña do BNG con motivo do Día Internacional da Muller, o próximo 8 de marzo. A voceira nacional do Bloque, Ana Pontón, descubriu este martes o cartel da campaña no panel publicitario situado fronte ao Parlamento galego.
Pontón subliñou que diante da «desigualdade e a violencia», o BNG ve «necesario unha resposta con contundencia, por iso dicímoslle ao PP e a Feijóo, e estou segura de que o van a entender, que o máis grande de Galicia está até a ‘cona».
O BNG quere darlle a volta ao anuncio da Xunta do pasado 25 de novembro, día contra a violencia de xénero, e que, baixo a lema ‘O máis grande de Galicia non se maltrata’, xerou críticas polo que moitos colectivos e partidos consideraron unha «cosificación» da muller.
