A Consellería do Mar informa de que axentes do Servizo de Gardacostas de Galicia interviñeron preto de 200 quilos de marisco e 172 útiles de pesca en controis realizados o martes na Illa de Arousa e na Ría de Pontevedra.
125 dos quilos de marisco intervidos eran de centola, 18 de nécora, 12 de camarón e outros 12 de ameixa. A maioría do produto foi localizado nun control realizado peirao de San Xulián, na Illa, onde os axentes requisaron 167 quilos de marisco e 17 útiles de pesca.
Na Ría de Pontevedra, os axentes incautáronse de 155 nasas e do peixe e marisco que contiñan: 16 quilos de polbo de talla antirregulamentaria, e 1,5 quilos de peixe variado.
