A Xunta de Goberno Local deu luz verde á clasificación de ofertas para contratar as obras de Rosalía de Castro, entre Canceleiro e Serafín Avendaño, e a primeira fase de humanización de Álvaro Cunqueiro. O importe da primeira humanización será de 880.000 euros repartidos en dúas anualidades, mentres que o da segunda ascende aos 1,5 millóns de euros.
Ademais, tamén nomeouse a dirección facultativa na execución das obras de renovación do céspede artificial no campo de fútbol do Comesaña. Cun importe de 168.000 euros, a obra realízase en base a un convenio coa Deputación de Pontevedra.
Por outro lado, o goberno local aprobou subvencións para distintas asociacións e colectivos da cidade, entre os que se atopa a Asociación de Amigos da Ruta Marítima O Cabaleiro das Cunchas, que recibirá 10.000 euros para desenvolver a súa tradicional ruta marítima; a Asociación de Axuda ao enfermo mental (DOA), que recibirá 7.290 euros para financiar o seu programa de obradoiros, así como a cesión do local da rúa Romil e outras axudas por valor de 18.000 euros; a Asociación Galega San Francisco percibirá 7.000 euros para sufragar xornadas de convivencia entre persoas con discapacidade intelectual e as familias; e o Instituto de Estudios Vigueses outros 33.000 euros, ademais de cederlles un local no edificio de Cánovas do Castillo.
