A Xunta de Galicia cortará ao tráfico este sábado o Corredor do Morrazo para acometer traballos de estabilización do talude inmediatamente anterior ao viaduto da Moura para garantir a plena seguridade dos usuarios e dos traballadores da obra de desdobramento desta estrada.
Tras as voaduras das semanas pasadas, detectouse que nese noiro o terreo está a reaccionar de maneira diferente ao inicialmente previsto, polo que se decidiu acometer de forma preventiva eses traballos de estabilización.
Para «minimizar a afección ao tráfico» os traballos realizaranse este sábado, «cando habitualmente menos coches circulan por esa vía», dende a 08.00 horas ata has 20.00 horas aproximadamente.
Ademais, para garantir «a seguridade», a Xunta continuará coas obras de desdobramento noutros puntos da traza para estudar con detemento a situación do talude e a maneira de actuar sobre el.
O corte de tráfico que se realizará este sábado afectará ao treito do corredor do Morrazo comprendido entre os PK 0+000 e 0+600, polos que os desvíos serán polo enlace de Meira-Marín pola estrada EP-112 ata a PO-551 para o sentido Cangas-Vigo e polo enlace de Rande pola PO-551 en sentido Vigo-Cangas.
Ademais, o vindeiro luns realizaránse novas voaduras noutros puntos da traza que obrigará a realizar cortes de tráfico puntuais en diferentes momentos do día. Estes cortes para voladuras ordinarias estarán debidamente sinalizados e o tráfico regularase de xeito manual.
