O Concello de Nigrán iniciou esta semana as obras para soterrar todo o cableado da rúa Rouxo, en Priegue.
Unha vez rematada a obra, que está sendo realizada por operarios municipais, procederase ao asfaltado desta rúa xunto a de Condomínguez e Antonexas, na mesma zona.
Xa a semana pasada se rematou o soterramento do tendido eléctrico no cruceiro de San Pedro e entrou en licitación o proxecto para a rúa San Roque de Camos.
