O grupo municipal da Marea de Vigo rexistrou este mércores unha moción promovida pola Plataforma en Defensa da Sanidade Pública da Área de Vigo para a creación dun Consello Municipal da Saúde na que tanto as organizacións de profesionais representativas da poboación como as organizacións de traballadores sanitarios poidan ser partícipes das accións e tomas de decisións que se leven a cabo a nivel municipal con respecto a temas de saúde.
SOS Sanidade Pública presentou esta moción a través da concelleira de Marea Marga L. Barreiro, que asumiu o compromiso de presentala e defendela no vindeiro pleno que terá lugar o 4 de xullo.
Para esta concelleira, «ao marxe das competencias autonómicas en materia de saúde existen moitos elementos de especial relevancia sobre a saúde das personas que dependen unicamente das institucións municipais, como todo o que ten que ver coa xestión e calidade dun ben como a auga, a xestión de residuos ou mesmo sobre a alimentación nas escolas ou o deporte».
