«Igual vai un pouco lenta a conexión ao principio ou ben tarda, pero é cuestión de tempo. Desculpas outra vez». Así pediu perdón aos seus usuarios a compañía R que este sábado sufriu un problema nos seus servidores que impediron a moitos dos seus usuarios ter acceso a Internet durante varias horas.
«Por un problema co servidor de DNS (Sistema de Nomes por Dominio), as páxinas web non resolven ben. Está a xente de Rede tratando de solucionalo o antes posible», explicou R en Twitter. Segundo confirmou a compañía, o fallo debeuse a un posible ataque á súa rede.
