A 29 edición da Festa do Choco xuntará, a fin de semana que ven en Redondela a milleiros de persoas que, ademáis, poderán disfrutar e degustar este manxar único preparado de todos os xeitos imaxinables…e ao mesmo prezo que os anos pasados: 8 € a ración.
Como sempre, os restaurantes que servirán o choco o sábado e o domingo- Venus, A Cova, Casa Rei, Mesón o Tella e O Tranquilo- garanten que o mesmo será “cento por cento de Redondela”.
Como noutras edicións, a carpa central- que ten un aforo para 700 comensais- estará situada na Alameda, preto do Concello, atendida por máis de 50 camareiros e 15 cociñeiros que, ademáis, participarán en demostracións de cociña.
Ás mesma sumaranse, durante os dous días, exposicións de coches clásicos, un completo programa de lecer, a feira de artesanía ou atracións para os rapaces.
