Será así porque foi o único candidato presentado para as primarias abertas de Esquerda Unida en Vigo, unha vez rematado, esta fin de semana, o prazo de recolla de avais. Rubén Pérez considera que a MAREA está tendo un debate constructivo e plural sobre a formula de concurrir ás eleccións, pero considera que ten que abrirse a espazos de converxencia que se poidan construir fóra da nosa cidade para evitar o «bloqueo sistemático ao municipalismo de esquerda» que pode realizar unha deputación dominada polo PP.
Esquerda Unida “priorizará a proposta programática sobre formulacións de candidatos” xa que entende que «o tempo político actual require audacia e responsabilidade» e, dacordo coa súa folla de ruta acordada na asemblea local, remitirá cartas a tódolos colectivos sociais da cidade, asociacións veciñais, asociacións culturais ou deportivas, para “interlocucionar con elas sobre o modelo de converxencia política e programa que precisa unha cidade como Vigo”.
A candidatura de Pérez terá o apoio, o vindeiro luns, día 9, do cantidato de Izquierda Unida á Presidecia do Goberno do Estado, Alberto Garzón, nun acto público en Vigo.
