Axentes da Policía Local instruíron dilixencias por unha “infracción á ordenanza reguladora da convivencia e ocio” a unha rapaza de 18 anos que, supostamente, deulle unha patada a un adorno de Nadal.
Como informa a Policía, os feitos aconteceron pasadas as 2 e media da mañá deste venres: unha patrulla foi comisionada pola Central para que se trasladase ao cruzamento entre Príncipe e Eduardo Iglesias, onde vixilantes interceptaran unha persoa que dera unha patada a un adorno de Nadal.
Unha vez no lugar, os axentes identificaron á moza quen, parece, deulle unha patada a un adorno con forma de regalo desprazándoo do seu sitio, sen causar outros danos. Á vista dos ‘gravisimos’ feitos, non houbo ‘charla e lectura de cartilla’, senon instrucción de dilixencias que, se cadra, soa moito máis serio.
