O director de Asistencia Sanitaria do Sergas reiterou este xoves no Parlamento de Galicia que a situación do laboratorio central do novo hospital no Meixoeiro «garantirá todas as necesidades asistenciais» dos doentes.
En resposta ás críticas da deputada do BNG Montse Prado, Félix Rubial explicou que a apertura do novo hospital de Vigo fixo necesario redeseñar a atención hospitalaria na cidade de xeito que “cada centro desenvolva actividades complementarias e de que se eviten as duplicidades» existentes.
En contra da acusación da deputada da oposición de que tratábase dunha “decisión ideolóxica, para seguir a súa política de privatización»,o director de Asistencia Sanitaria subliñou que a decisión basease na «complexidade das patoloxías, as características arquitectónicas dos hospitais e a súa dotación: e o Meixoeiro é a situación máis axeitada».
A deputada Prado lembrou as críticas dos profesionais, que xa advertiron de que a distancia do laboratorio ao maior hospital da bisbarra levará consigo «riscos para a atención sanitaria», o cal foi rexeitado por Félix Rubial que reiterou que «a tendencia en todas partes do mundo é a centralización» dos laboratorios por cuestións de operatividad e eficiencia, xa que a concentración de probas implica unha minoración de custos en reactivos”.
Ruibal apuntou que o laboratorio central do Complexo Hospitalario Universitario de A Coruña (Chuac) non está no «hospital máis grande», o antigo Juan Canalejo, senón que se atopa no Teresa Herrera. «E non hai ningún problema asistencial nin ningunha dificultade para os profesionais».
