O estaleiro vigués impúxose a unha decena de compañías de todo o mundo que loitaban por facerse co concurso que convocou o Instituto de Investigacións Científicas de Kuwait.
O contrato asinarase nas primeiras semanas de 2014. A construción do barco, destinado a misións científicas no Golfo Pérsico, suporá máis de 300.00 horas de traballo para o estaleiro e para a industria auxiliar. O seu prazo de execución será de dous anos.
