Os controis analíticos efectuados polo Instituto Tecnolóxico para O Control do Medio Mariño (Intecmar) detetaron niveis de toxicidade superiores aos legalmente establecidos no polígono de bateas de cultivo de mexillón da Pobra do Caramiñal, polo que esta zona quedou pechada á extracción. Así o recolle a última resolución de cambios do instituto pendurado na súa páxina web.
Esta decisión deixa so tres polígonos de mexillón operativos en Galicia: os B-G, C-F e D de Redondela, na ría de Vigo.
Varias zonas de cultivo de berberecho, ameixa e navalla están afectadas tamén por este episodio de toxicidade, máis virulento que os outros dous rexistrados nas augas das rías galegas este mesmo ano e que mantén a grande parte do sector ‘bateeiro’ e marisquero sen actividade dende o 9 de outubro.
