Sucesos | Redacción/ Imaxe: Garda Civil
Un camión que transportaba preto de 180 porcos envorcou este luns pola mañá na N-120, ao seu paso pola zona da Carballeira, no concello ourensán de Nogueira de Ramuín. O condutor do vehículo resultou ileso.
O accidente produciuse arredor das 07.40 horas, segundo informou o 112 Galicia. Foi un particular quen alertou dos feitos e comunicou aos servizos de emerxencias que o camioneiro xa se atopaba fóra do vehículo.
O impacto provocou que varios dos animais saísen do camión e caesen nun río próximo, onde algúns morreron afogados. Outros porcos resultaron feridos como consecuencia do accidente.
Ata o lugar desprazáronse efectivos de Urxencias Sanitarias de Galicia-061, da Garda Civil e da Garda Civil de Tráfico, dos Bombeiros do Polígono de San Cibrao das Viñas e do GES do Pereiro de Aguiar, ademais dos servizos de mantemento da estrada.
Os equipos de emerxencias traballan na zona para retirar os animais e o camión accidentado e restablecer as condicións de seguridade na vía.
OuTraS NoVaS
- Envora na N-120 un camión con 180 porcos e varios animais morren tras caer a un río
- “Iremos a por usted y su familia”: detenidos en Vigo por extorsionar a un hombre tras entrar en una web de contactos
- Cielos despejados y temperaturas que llegarán a 30 grados en Vigo, el miércoles
- La Policía Local detiene a un hombre tras sorprenderlo agrediendo a su pareja en plena calle
- Hallan muerto en Moaña a Alfonso Santos Pereira, desaparecido desde el jueves
