O Porriño aproba amortizar os préstamos para pago de facturas de gobernos anteriores

Porriño deja a ‘cero’ la cuenta de facturas que había en el ‘cajón’, que llegó hasta los 5,5 millones

O pleno do Concello do Porriño, aprobou amortizar os préstamos para pago de facturas de gobernos anteriores, unha operación que e fai co cargo ao remanente líquido de tesourería obtido da liquidación do exercicio económico do 2025.

Explicaba en pleno o voceiro municipal, Carlos Martínez, que isto é posible grazas a boa saúde financieira do Concello, e logo da depuración que se fixo das facturas irregulares dos anteriores gobernos.

Para por en contexto, lembrou que o anterior goberno municipal deixara “no caixón” 5,4 millóns de euros en facturas, das que a través dos xulgados ou de revisión contable, demostráronse irregulares case 3 millóns. O resto, 2,7 millóns de euros pagáronse a través de créditos ICO, que son os que
se liquidan con este acordo plenario.

«Débeda cero e a presión fiscal máis baixa de Galicia»

O Alcalde, Alejandro Lorenzo, destacaba que por primeira vez non existen facturas pendentes no Concello do Porriño e que se está cumplindo o periodo médio de pago. «Todo con débeda 0 e coa presión fiscal máis baixa de toda Galicia».

Deste xeito, «a administración quedará libre de cargas e poderá presentar un novo orzamento que aprobaremos o antes posible”, segundo desvelou xa o alcalde, xa en roda de prensa: “así cumprimos a folla de ruta planificada reducindo a 0 esa débeda que nos deixou o anterior goberno, o que permitirá un aforro directo en xuros pero sobre todo a aprobación de ese novo orzamento”.

O Porriño pechou 2025 co maior superávit da súa historia: 7,46 millóns e un remanente de 11,2 millóns

Novos investimentos

Ademais da liquidación do crédito, neste pleno extraordinario aprobouse tamén unha modificación orzamentaria para destinar fondos do remanente a proxectos en diferentes parroquias. Trátase de «importantes investimentos» —algúns deles con subvencións provinciais e autonómicas— destinados á «atención social, ao tecido asociativo, ao deporte, á cultura e á creación de novos espazos para a veciñanza».

Son novas obras que poderán pagarse cos aforros municipais, e tamén modificacións orzamentarias para facer fronte ás achegas municipais e a liquidación doutras: inversións do + Provincia ou da Xunta cofinanciadas polo concello, ademáis de “novas infraestruturas que son inéditas no Porriño e que anunciaremos no seu momento”, concluía o alcalde.