O Bloque Nacionalista Galego (BNG) chamou ao rexeitamento social do desfile das Forzas Armadas españolas previsto en Vigo o próximo 30 de maio, ao consideralo un “acto de exaltación militarista e españolista”.
Xabier P. Igrexas, portavoz municipal do Bloque, reiterou a súa oposición ao desfile, cualificándoo como “incompatible coa defensa da paz” e un “dispendio inxustificábel” de recursos públicos, especialmente tras coñecerse que o Ministerio de Defensa investirá preto de 400.000 euros na instalación das bancadas do evento.
En contra da presenza da monarquía, «un residuo antidemocrático, corrupto e anacrónico»
Igrexas tamén criticou a presenza da monarquía española no acto, describíndoa como un “residuo antidemocrático, corrupto e anacrónico”, e sinalou que este tipo de desfiles interpretanse como un “acto de propaganda para xustificar unha carreira armamentística” na que, segundo a súa análise, tamén participa o Goberno de Pedro Sánchez, beneficiando únicamente aos intereses do imperialismo e da industria da guerra.
Vigo unha cidade «fondamente comprometida coa paz»
O BNG subliñou que a paz non se promove con exhibicións de armamento e que nunha cidade como Vigo, “fondamente comprometida coa paz”, non deberían celebrarse desfiles militares. O portavoz fixo un chamamento a movementos sociais, asociacións e cidadanía en xeral a expresar o seu rexeitamento ao acto e a reclamar que non se leve a cabo.
Igrexas rematou lembrando que a guerra só beneficia a uns poucos e que as consecuencias recaen sobre a poboación, tanto en forma de mortes e destrución en zonas de conflito como no aumento da carestía e da inseguridade. Engadiu que a paz debe defendese mediante a xustiza social, a cooperación, a solidariedade internacional e o respecto aos dereitos humanos e á soberanía dos pobos.
Outras novas
- El Concello acepta la cesión de la antigua Estación de Autobuses y exige a la Xunta conocer el estado real del edificio
- Valladares abre o Circuíto Galego de Teatro Amador con catro obras entre outubro e novembro
- 3.409 becas de comedor para escolares: el Concello eleva la ayuda a 70 euros al mes
- Festa dos Pexegos 2026 en Liñares, As Neves: programa e actividades
- El TSXG tumba la decisión del Concello sobre los antiguos juzgados y la Xunta estudia reclamarle los costes
