Galicia rexistrou entre xaneiro e outubro máis de 6,63 millóns de visitantes, que sumaron 12,35 millóns de noites, cun incremento superior ao 2% en ambos indicadores, segundo destacou Xosé Merelles, director de Turismo de Galicia, durante a Gala de Turismo de Barbanza-Arousa.
Merelles subliñou que a calidade e excelencia dos servizos turísticos son fundamentais para atraer visitantes e favorecer o desenvolvemento económico do territorio. Neste sentido, destacou que o gasto medio do turista no segundo semestre de 2025 situouse en 114,69€, un 5,8% máis que en 2024.
“Sen dúbida, a mellora da competitividade e da imaxe da oferta turística de Galicia refórzase co seu carácter serio, profesional e diferenciado, baseado en calidade, sustentabilidade, cultura e boas prácticas”, afirmou o director de Turismo.
Outras novas
- Máis de 6,63 millóns de turistas visitaron Galicia, entre xaneiro e outubro
- El Gobierno municipal defiende la subida de los sueldos de los concejales y el alcalde
- En marcha el XI Torneo de Navidad, con récord de participación y más de 450 partidos
- La Asociación de Vecinos Zona Centro anuncia acciones judiciales por el impacto de la Navidad en Vigo
- Oposición a que los concejales de Vigo se suban el sueldo hasta los 70.000€ y a 80.000€, en el caso del alcalde
En relación co xeodestino Barbanza-Arousa, Merelles lembrou que se está a executar o Plan de Sostibilidade en Destino (PSTD) ‘Viaxe a través da historia dos sabores’, cunha inversión de 1,5 millóns de euros. Ademais, agradeceu a implicación da Mancomunidade de Municipios Barbanza-Arousa na proxección e desenvolvemento da actividade turística local, sinalando que máis de medio millón de turistas e case 1,4 millóns de noites se rexistraron en aloxamentos da zona no que vai de ano.
