A taekwondista galega Helena García logrou unha notable medalla de prata no World Taekwondo Women’s Open Championships, evento de categoría G4 disputado en Malabo (Guinea Ecuatorial) entre o 14 e o 16 de novembro. A deportista do Dobok completou unha competición de altísimo nivel, confirmando o seu excelente momento deportivo.
Impecable camiño ata a final
Helena iniciu o torneo cun brillante triunfo ante a chinesa Zeqi Zhou, bronce mundial en 2025. O combate, moi esixente e decidido en tres asaltos, caeu do lado da galega grazas á súa solidez táctica e contundencia nas accións decisivas.
En semifinais superou á española Belén Morán, unha das súas principais rivais no circuíto estatal, garantindo así o pase á loita polo ouro.
Final de moito nivel ante a rusa Kosmycheva
Na disputa polo título, Helena mediu forzas coa rusa Anastasia Kosmycheva, campioa do Grand Prix de Muju e unha das grandes referencias internacionais da categoría. A galega ofrecceu unha gran imaxe e mantívose competitiva en todo momento, aínda que finalmente tivo que conformarse cun meritorio segundo posto.
Outras novas
- Peinador creció en noviembre en número de viajeros, pero sigue siendo el tercer aeropuerto gallego
- Las obras de la Avenida de Madrid se prolongarán 4 meses más de lo previsto
- El Puerto inicia la instalación de las pasarelas de acceso al visor submarino de “Peiraos do Solpor”
- Dúas persoas falecen nun choque frontal entre un turismo e un camión na N-547 en Arzúa
- Vigo implanta un programa pionero de cribado para detectar la disfagia en pacientes hospitalizados
Máis participación galega en Malabo
A representación galega completarase o domingo 16 de novembro, cando saltarán ao tatami:
- Arlet Ortiz (-62 kg, Mat’s)
- Tania Castiñeira (+73 kg, Hebe)
Ambas buscarán seguir o ronsel de éxito deixado por Helena García neste destacado evento feminino do calendario mundial
