O Concello do Porriño ten aberto o prazo de inscrición para participar no novo Programa Integrado de Emprego (PIE), unha iniciativa destinada a 100 persoas desempregadas que busca mellorar as súas oportunidades de inserción laboral ao longo dos vindeiros doce meses. O obxectivo marcado é acadar unha taxa mínima de inserción do 42% entre as persoas participantes.
As persoas interesadas poden cubrir o formulario dispoñible na páxina web e redes sociais do Concello e remitilo ao enderezo electrónico [email protected], ou entregalo presencialmente nas oficinas de Porremprego, situadas no multiusos de Torneiros, onde tamén poderán obter máis información sobre o programa.
Dende o 14 de outubro
O novo PIE, que estará en funcionamento ata o 14 de outubro de 2026, conta cun orzamento total de 275.000 euros, subvencionado nun 80% pola Xunta de Galicia, a través da Consellería de Emprego, Comercio e Emigración, e cofinanciado nun 20% polo Concello do Porriño.
Alejandro Lorenzo, alcalde do Porriño, destacou a importancia deste proxecto, asegurando que “este programa é unha oportunidade real para moitas persoas que buscan un futuro laboral estable. Durante un ano contarán cun equipo profesional que lles axudará a mellorar a súa formación, definir obxectivos e acceder a ofertas de traballo concretas”.
Outras novas
- El Concello de Redondela ya es el dueño de Villa Elisa
- Denunciado el puerto deportivo de Baiona por un vertido de hidrocarburo a la red de saneamiento
- Ya tienes plan para esta noche: en el Ocean Rock Bar, Adolfo FH, en concierto para ‘Cada niño un juguete’
- ‘Hey Hematoma’ y ‘Foggy Mental Breakdown’ incendiarán la Sala Rebullón, este domingo
- La Guardia Civil interviene más de 3.000 litros de gasóleo bonificado en una venta fraudulenta en una gasolinera de Campo Lameiro
Desempregados, persoas con discapacidade, vítimas de violenica machista, menores de 30 anos
A iniciativa está dirixida a persoas desempregadas, con especial atención a colectivos prioritarios, como persoas con discapacidade, mulleres vítimas de violencia de xénero, mocidade menor de 30 anos, perceptoras de prestacións ou subsidios, mulleres desempregadas, parados de longa duración e inmigrantes.
O programa inclúe accións de orientación individualizada, formación para o emprego, coaching e intelixencia emocional, así como obradoiros de habilidades sociolaborais, técnicas de entrevista, fomento da iniciativa emprendedora, prospección empresarial e prácticas non laborai
