O Consorcio Casco Vello de Vigo (CCVV) culminou a rehabilitación integral da casa situada na confluencia das rúas Hortas e San Sebastián onde se crearán dúas novas vivendas xa adxudicadas a través dun concurso público.
A presidenta do consorcio, Ana Ortiz, visitou este martes o inmoble rehabilitado e anunciou que as vivendas están listas para seren entregadas ás familias gañadoras do sorteo celebrado en outubro.
Un proxecto de recuperación con investimento público
O proxecto, licitado por 716.241,25€ e adxudicado finalmente por 650.000€ á empresa Castroferro, tivo un prazo de execución de doce meses. A parcela, de 180 metros cadrados, foi adquirida polo Consorcio por 188.000 euros.
Ademais destas dúas vivendas, o consorcio tamén sacou a concurso outras dúas na Ribeira do Berbés 39-San Francisco 2, completando así catro novas oportunidades residenciais no barrio histórico.
Outras novas
- Descarrila un tren de mercancía en As Neves
- Vigo enciende sus luces y “¡empieza la Navidad en este planeta!”
- Xunta y Concello se enzarzan por el fallo de Eiras: la conselleira exige a Caballero que “deje de decir tonterías” y sentarse a una reunión urgente
- Una rampa mecánica conectará el año que viene García Barbón con el HALO
- Desfile de Moda Solidario a favor de la campaña “Cada Niño un Juguete”
Un plan para o futuro do Casco Vello
Ana Ortiz lembrou que o Consorcio, participado nun 90% pola Xunta de Galicia e nun 10% polo Concello de Vigo, aprobou recentemente o Plan de Actuación 2026-2030, que define as liñas estratéxicas de rehabilitación para os próximos cinco anos.
O plan establece 25 inmobles como obxectivos prioritarios de actuación e outros 20 como secundarios, co fin de dotar de flexibilidade e continuidade o proceso de recuperación urbana e social do Casco Vello.
O investimento previsto ascende a 15,1 millóns de euros, que se financiarán mediante venda de inmobles rehabilitados, transferencias de capital dos entes consorciados e ingresos correntes, garantindo a continuidade dun modelo de revitalización sostible e socialmente inclusiva
