A Deputación constata que, cun crecemento mes a mes, o 2025 está a ser o ano da internacionalización do destino Rías Baixas. Neste caso, os datos do Observatorio de Turismo Rías Baixas, que beben das estatísticas do INE, remarcan que en setembro deste ano incrementouse nun 10% o número de visitantes estranxeiros con respecto ao mesmo mes do 2024. Ademais, a provincia concentrou en setembro ao 34% dos visitantes que chegaron a Galicia.
Máis da metade do turismo é español
O turismo español segue a ser maioritario na provincia de Pontevedra, cunha porcentaxe que se sitúa no
54%. Sen embargo, os visitantes estranxeiros seguen a medrar e o mes de setembro pechouse cunha
porcentaxe do 46%, case a metade dos visitantes, o que supón un 10% máis que o pasado ano. Ademais, a ocupación hoteleira rexistrada o mes pasado situouse no 50%.
Outubro
No que respecta ao mes de outubro, ata a data, visitaron a oficina de turismo do Palacete das Mendoza,
sede de Turismo Rías Baixas, máis de 2.400 persoas e percorreron os camiños de Santiago que atravesan a provincia un total de preto de 20.000 peregrinos e peregrinas, o que supón un incremento do 20% con respecto ao mesmo mes do 2024.
Outras novas
- Samil y O Vao estrenan el refuerzo de verano: estas son las líneas de autobús que amplían recorrido
- Ana Ortiz acusa a Caballero de manipular y le recuerda las obras pendientes y el caso de la cuñada de Carmela Silva
- Muere un motorista tras chocar contra una furgoneta en la A-52
- Meigas, pactos de sangue e un actor ao límite: así continúa a Mostra de Teatro Amador
- Incautados más de 6.000 juguetes, gafas graduadas y punteros láser ilegales en Mos
Ademais, por vez primeira, o Camiño Portugués pola Costa, con 9.664 peregrinos, sitúase como a vía máis transitada de todas as que atravesan a provincia cara Compostela, seguida do Camiño Portugués, con 9.448, a Vía da Prata, con 800, e o Camiño de Inverno, con máis de 306 peregrinos.
A porcentaxe maioritaria de peregrinos, o 78%, son estranxeiras e proveñen, principalmente, de Estados Unidos, Portugal e Alemaña.
