O Concello do Porriño vén de finalizar as obras de ampliación e mellora da accesibilidade no pavillón municipal e na pista ao aire libre nas inmediacións do CEIP Xosé Fernández López. A actuación permitiu modernizar as instalacións, incrementar a súa capacidade e garantir accesibilidade universal para todas as persoas.
Este proxecto contou cun orzamento total de 157.086€ dos cales 120.974 foron achegados pola Deputación de Pontevedra ao abeiro do I Plan Extraordinario de Infraestruturas Deportivas, e os 36.111€ restantes financiados polo propio Concello.
Melloras realizadas
Segundo explicou o alcalde, Alejandro Lorenzo, as intervencións principais foron:
- Ampliación do pavillón: demolición da grada interior e parte da fachada sur para gañar superficie e adaptar a pista a medidas regulamentarias.
- Creación de novos espazos: dous vestiarios, dous aseos adaptados, dous aseos para árbitros e un almacén.
- Reforma exterior e drenaxe: substitución do sumidoiro da cancha ao aire libre e instalación de varandas de vidro para protexer desniveis.
- Accesibilidade: construción dunha rampla que conecta o colexio, a pista exterior, o espazo público e o interior do pavillón, eliminando barreiras arquitectónicas e incorporando pasamáns e elementos adaptados.
Outras novas
- Avanza a reparación do noiro da AG-57, tras os desprendementos dos temporais
- Marín acoge el Campeonato Gallego de Kickboxing y Muaythai 2026, con récord histórico de participación
- El próximo día 23 abre el plazo para solicitar plaza en las escuelas infantiles municipales
- El Gobierno estudia bajar el IVA de la electricidad para contener los precios ante la crisis energética
- Sánchez exige a Caballero auditar las cuentas de la Entidad Local Menor de Bembrive, por «opacidad y corrupción»
O presidente da Deputación, Luis López, salientou que estas obras forman parte dun impulso de 525.000 euros co obxectivo de modernizar as instalacións municipais do Porriño, mellorando a práctica deportiva.
