O Porriño volveu ser, por terceiro ano consecutivo, a única parada en Galicia do Negrita Music Festival que pechará a xira nacional a vindeira fin de semana en Barcelona. Así, o aparcadoiro da rúa Progreso acolleu, dende primeira hora da tarde,a que gozaron, de maneira ininterrompida, dos concertos de artistas de música urbana liderados por Yung Beef, cabeza de cartel desta edición, que subiu ao escenario ás 22.15 horas.
Outras novas en vigoalminuto
- Las playas de Ribeira, Santa Marta y A Ladeira, en Baiona reabren al baño
- La Atención Primaria de Vigo agrava su crisis en verano: citas con cuatro semanas de espera
- “Mientras Caballero coloca luces en julio, las alcaldesas de A Coruña y Santiago trabajan por sus aeropuertos”
- Nigrán converterá os antigos cines da Ramallosa nun espazo con auditorio e sala de proxeccións
- Hallan muerta a Carmen López Rebolo, la joven desaparecida en Lugo el pasado 21 de julio
«O Negrita Music Festival, igual que outros eventos que xa se teñen celebrado no noso concello —e os
que están por vir—, son unha mostra clara do atractivo que representa O Porriño para as promotoras a
nivel nacional. Cada vez son máis as que ven na nosa vila un auténtico fervedoiro cultural, cun público
entregado e unhas condicións únicas para acoller grandes citas musicais e culturais. E iso é motivo de
orgullo para todos os porriñeses e porriñesas«, asegurou o alcalde, Alejandro Lorenzo.
West SRK, Xiyo&Fernéndez, Cyril Kramer, La Pantera, Hard GZ, Groove Amigos ou Galician Army
West SRK abriu o festival, ás 16.15 horas, seguido de Xiyo & Fernández ás 17.15h, Cyril Kamer ás
18.15 horas, La Pantera ás 19.30 horas e Hard GZ sobre as 20.45 horas. Logo da actuación de Yung Beef,
será a quenda de Groove Amigos B2B Traffic House (23.20 h), Alvama Ice (00.00 h) e Galician Army a partir das 01.00 horas.
Deste xeito, o Negrita Music Festival consolídase un ano máis como un referente da música urbana en Galicia. Así, ademais de traer artistas de primeiro nivel e ofrecer unha xornada de música continua, o evento serviu como pistoletazo de saída ás Festas do Cristo, reforzando o papel do municipio como epicentro cultural e festivo.
