A Federación de Asociacións Veciñais “Eduardo Chao” (FAVEC) celebra o seu 59º aniversario cun programa festivo, participativo e reivindicativo que terá lugar os días 18, 19 e 20 de xullo no Auditorio Mar de Vigo.
Este encontro anual, lonxe de ser un simple acto conmemorativo, consolídase como un espazo de celebración, análise e recoñecemento ao tecido social que sostén, día a día, os barrios e parroquias da nosa cidade.
Un movemento veciñal vivo, firme e comprometido
«Durante case seis décadas, a FAVEC ten desempeñado un papel fundamental na defensa dos dereitos cidadáns, na vertebración do territorio e na interlocución coas administracións. Faino dende a pluralidade e a solidariedade, garantindo que ningunha parroquia nin barrio quede atrás», apuntan os seus responsabeis.
Palestra Veciñal
Nesta nova edición da celebración, o protagonismo será compartido entre a festa e a reflexión. A Palestra Veciñal a partir das 11:00h. do sábado, que contará con persoas expertas e representantes políticos, abordará cuestións de grande transcendencia para o presente e futuro de Vigo: temas como Servizos sociais, vivenda e urbanismo, Transporte e Infraestructuras , contaminación acústica e medio ambiente, Cultura e participación cidadá, Deporte e Comercio. A planificación urbana e outros desafíos inmediatos. A cidadanía terá a oportunidade de escoitar voces autorizadas e informadas, xerando un espazo aberto, plural e necesario para a participación.
Programación para nenos
Programación Destacada: o evento comezará este venres 18 ás 16:30h con actividades infantís: pintacaras, Globoflexia, Tatuaxes, Abalorios, Dance-Party, espectáculo de Maxia, , e un desfile adicado aos máis novos., Concurso rei e raíña 2025 infantil.
Tamén en vigoalminuto
- Peinador creció en noviembre en número de viajeros, pero sigue siendo el tercer aeropuerto gallego
- Las obras de la Avenida de Madrid se prolongarán 4 meses más de lo previsto
- El Puerto inicia la instalación de las pasarelas de acceso al visor submarino de “Peiraos do Solpor”
- Dúas persoas falecen nun choque frontal entre un turismo e un camión na N-547 en Arzúa
- Vigo implanta un programa pionero de cribado para detectar la disfagia en pacientes hospitalizados
- La Policía Nacional intercepta por primera vez en España un alijo de pastillas de heroína
Música
A partir das 21:00 h, chegará a música coa actuación OS ATÓMICOS, será protagonista co concerto de MIGUEL COSTAS, lenda do rock galego e ex-compoñente de grupos emblemáticos como Siniestro Total, productor, compositor , e colaborador noutros proxectos musicais, fundador do grupo musical Costas,no ano 2007 ata a actualidade. Tamén actuará o humorista Pepo Suevos, haberá un desfile de moda organizado por Barbara Vázquez de Bonita de Vestir,no que participarán outras tendas e ALENTO.
A noite do sábado serán os concertos de GxN(Grazas por Nada) e Dioivo, bandas representativas do novo panorama musical vigués e galego.
Dioivo, é un dúo de metal extremo fundado en Vigo, en 2016, naceu poñendo música a un poema de Rosalía de Castro. «sempre pola morte esperas», e a partir de ahi, seguiu adiante coa idea de mesturar influencias como o black metal melódico ou o thrash, empregando a lingua galega, e servíndose unicamente da batería, guitarra e voz. Dende o seu inicio o grupo está formado por Dani e Jacobo. Galardoados co segundo premio no certamen Xuventude crea da Xunta de Galicia en 2016 e 2017.
Gracias por Nada e un grupo de pop-punk/skate punk que mezclan as melodías suaves do pop coa velocidade e ritmos característicos do punk.
Día da Memoria
O domingo 20 será o día da memoria e da comunidade. Rendirase homenaxe a aquelas persoas e colectivos, elixidas polo movemento veciñal que rematará pola mañá coa actuación do grupo Villagalicia de Lavadores. Pola tarde, seguirá con actuacións de grupos de asociacións veciñais. e a actuación para peche do acto de Samuel Levi e os Nenos perdidos.
