O Concello de Nigrán e o Centro Cultural A Camoesa abren ata o 12 de agosto ás 22:00 horas o prazo de inscrición para participar na popular baixada de carros de bolas que se celebra o 15 de agosto desde as 09:30 horas na rúa San Roque. Esta debe facerse online na web www.eventosnigran.es tendo un custe de 7 €/persoa.
Baixada de carrilanas
A baixada de carrilanas en Camos é un evento cultural e de ocio consolidado como unha tradición na zona, é unha proba de inercia moi divertida, un espectáculo visual emocionante cheo de colorido. Nese día as rúas da parroquia énchense de risas, nervios e aplausos mentres ‘voan’ estes auténticos ‘autos tolos’.
Esta ‘proba’ comeza no Torreiro de San Roque e sigue pola mesma ata afrontar un xiro brusco á esquerda na rúa Xuncido, a partir de aí afrontan un maior desnivel, unha gran rasante, e unha curva final de 90 grados case na mesma liña de meta. Un percorrido de pouco mais de 1 kilómetro de lonxitude cun desnivel do 80%, polo que alguns chegan a alcanzar velocidades de vértigo.
Cada participante pon a proba a súa habilidade e destreza ao volante co fin de acadar un bo rexistro que lle outorgue un premio na competición, sen descoidar o lado máis humorístico. A baixada é un evento que une xeracións e crea recordos inesquecibles, ao ser algo moi propio da parroquia de Camos.
Tamén en vigoalminuto
- O Porriño enche a fin de semana de festas con música, teatro, tradición e deporte
- O TSXG condena o Sergas por vulnerar os dereitos fundamentais dun traballador
- El alcalde anuncia que Vigo reserva casi 400.000€ para la Cabalgata de Reyes y la megafonía de Navidad
- La Movida viguesa vuelve este sábado con una gran noche dedicada a Golpes Bajos
- Vigo e Nigrán entran en ‘medidas de prealerta’ ante o empeoramento da situación en Zamáns
- Empiezan a funcionar las Zonas de Bajas Emisiones: quién puede entrar, qué excepciones hay y cuándo empezarán las multas
‘Flota como poidas’
Por outra banda, o Concello de Nigrán celebrará finalmente o 24 de agosto a concentración de artefactos flotantes ‘Flota como poidas’ na Ramallosa, abríndose o prazo de inscrición próximamente.
