Imaxe: Arancha Brandón/ Fillas de Cassandra dará a coñecer esta fin de semana o seu novo EP, Hibernarse, nunha presentación exclusiva que terá lugar este venres 27, a partir das 21.00 horas, no MARCO de Vigo. Os convites para asistir ao directo, organizado da man da Fnac, xa están esgotados; mais aínda é posible conseguir entradas para o concerto que se celebrará na Coruña ao día seguinte, o sábado 28, na Fundación Luis Seoane ás 20.00 horas, previa reserva do vinilo na tenda Fnac da cidade herculina.
Hibernarse é un proxecto multiformato e singular que versa sobre a construción social do tempo a través de distintas disciplinas artísticas. Un EP, un videofilme, un fanzine, unha colección de xoias (elaborada por Toda Frágil) e unha nova sorpresa que se dará a coñecer mañá pola noite’ conforman un universo no que María SOA e Sara Faro fan un chamado sobre a pausa necesaria que esixen os procesos creativos e artesanais.
Novo traballo
O novo traballo discográfico de Fillas de Cassandra, producido por Greta Ch’aska, Mumbai Moon e por elas mesmas, é o resultado dun proceso de maduración musical e discursiva fiado devagar polas artistas, que irromperon con forza no panorama musical galego coa publicación do seu aclamado álbum debut, Acrópole (2023, Tremendo Audiovisual). Após dous anos de crecemento como grupo e con máis dun cento de concertos ás costas, o dúo pecha esta etapa, antes de facer un descanso, coa presentación de Hibernarse.
Nesta Noite no Museo con Fnac, María SOA e Sara Faro interpretarán os catro temas do novo EP –feito a man, arderse, quebrantarse e hibernarse-, ademais de conversar co público sobre o proceso creativo do disco, as temáticas e todo o universo do que se compón Hibernarse. As artistas estarán acompañadas por dous instrumentistas e vestirán o espazo para presentar ao público a súa particular busca «dun novo traxe».
Otras noticias
- Rechazo a las obras de Ons: árboles talados, hormigón junto a la playa y más de 2 millones en actuaciones turísticas
- A vivenda encareceuse ata un 18,5% nun ano nas capitais galegas
- Muere una persona tras ser rescatada del agua en el pantalán de Punta Lagoa, en Vigo
- Carlos Leiro mantiene ‘Cada niño un juguete’ mientras se enfrenta al cáncer
- Luisa Sánchez llevará Peinador a Routes World para negociar nuevas rutas con aerolíneas
- 10.780 pacientes esperan una operación en Vigo: 86 días de demora media al cierre de junio
NOITE NO MUSEO | FILLAS DE CASSANDRA
Data e hora:Venres 27 de xuño, ás 21.00 horas
Lugar: MARCO, Museo de Arte Contemporánea de Vigo
